ສປປ ລາວ ຖືກຂະໜາມນາມວ່າເປັນ “ແບັດເຕີລີ່ແຫ່ງເອເຊຍ”, ເຊີ່ງພົງສະຫວັນ ປະກັນໄພ ໃນຖານະທີ່ເປັນຜູ້ບຸກເບີກ ປະກັນລົດຍົນໄຟຟ້າ (Electric Vehicle) ມີຄວາມຍີນດີທີ່ຈະເປັນຫົວຫຼັກຫົວຕໍໃນການລິເລີ່ມປະຕິວັດພະລັງງານສີຂຽວໃນປະເທດລາວເຊັ່ນດຽວກັນ
ທ່ານ ດີນ ໂຣເບີດຣ໌ສັນ,ຜູ້ອຳນວຍການໃຫຍ່, ບໍລິສັດ ພົງສະຫວັນ ປະກັນໄພ (ເອພີເອ) ຈໍາກັດ, ໄດ້ຮັບກຽດເປັນຜູ້ປາໄສ ແລະ ຜູ້ແທນຄະນະສະມາຊິກ ໃນງານ EV Event ທີ່ໄດ້ຈັດຂື້ນເປັນຄັ້ງທີ່ 2 ໃນວັນທີ 7 ກໍລະກົດ 2023 ທີ່ນະຄອງຫຼວງວຽງຈັນ.ງານດັ່ງກ່າວ ໄດ້ຮັບຄວາມສົນໃຈຢ່າງຫຼວງຫຼາຍຈາກທຸລະກິດພາຍໃນທ້ອງຖິ່ນ ແລະ ເປັນການໃຫ້ໂອກາດທີ່ດີ ໃນການແລກປ່ຽນຄວາມຮູ້, ສິ່ງທ້າທາຍ ແລະ ແບ່ງປັນການແກ້ໄຂບັນຫາ ລະຫວ່າງຜູ້ຜະລິດ ແລະ ຜູ້ເລີ່ມຕົ້ນໃຊ້ງານຕົວລົດໄຟຟ້າເອງ.
ໃນຄວາມເປັນຈິງແລ້ວ, ຈາກຕົວເລກຊີ້ໃຫ້ເຫັນວ່າ ໃນປີ 2021, ປະເທດລາວມີລົດໄຟຟ້ານຳເຂົ້າພຽງ 121 ຄັນ, ແຕ່ຫຼັງຈາກນັ້ນໃນປີ 2022 ຕົວເລກໄດ້ເພີ່ມຂື້ນເປັນ 1,430ຄັນ. ຈາກອັດຕາທີ່ເພີ່ມຂຶ້ນນີ້ ສະແດງໃຫ້ເຫັນເຖິງການຍອມຮັບຂອງລົດໄຟຟ້າທີ່ມີຫຼາຍຂຶ້ນ ໂດຍລັດຖະບານລາວ ວາງໃສ່ເປົ້າໝາຍໄວ້ວ່າ ຈະເລັ່ງ ໃຫ້ ສປປ ລ ທີ່ມີການນຳໃຊ້ລົດຍົນໄຟຟ້າພຽງ 1% ໃນປີ 2022 ໃຫ້ເພີ່ມເປັນ 30% ພາຍໃນປີ 2030. ເຊີ່ງນັ້ນສົ່ງຜົນໃຫ້ຫຼາຍບໍລິສັດລົດຍົນນັບມື້ນັບເລັງຄວາມສົນໃຈໄປໃຫ້ລົດຍົນໄຟຟ້າຫຼາຍຂຶ້ນ.
ລົດຍົນໄຟຟ້າເປັນເປົ້າໝາຍຍຸດທະສາດສໍາລັບພວກເຮົາ, ແລະ ດ້ວຍຈຸດຢືນ, ວິໄສທັດອັນແນ່ວແນ່ ພວກເຮົາມີຄວາມພູມໃຈທີ່ຈະສະຫນັບສະຫນູນລະບົບນິເວດທີ່ຈະພັດທະນາໃນອະນາຄົດ
ພົງສະຫວັນ ປະກັນໄພ (ເອພີເອ) ໃຫ້ທ່ານຫຼາຍກວ່າການຄຸ້ມຄອງ
